દરેક છોકરી ઇચ્છે છે કે તેના વાળ લાંબા, મજબૂત અને સિલ્કી હોય. પરંતુ પ્રદૂષણ અને ગંદકીને કારણે વાળ ખરાબ થઇ છે, જેના માટે છોકરીઓ વાળની સ્પાની સારવાર લે છે. હેર સ્પા વાળની ટ્રિટમેન્ટ માટે સૌથી ઉત્તમ ગણાય છે. હેર સ્પા કરવાથી વાળમાં ચમક આવે છે અને ડેન્ડ્રફ ભગાડવામાં મદદ થાય છે.
સ્પાની સારવાર લેવાથી તેના રાસાયણિક ઉત્પાદનો વાળને નુકસાન પહોંચાડીને વાળને ડ્રાયબનાવે છે. આવી સ્થિતિમાં, તમે સરળતાથી ઘરે સ્પા કરી શકો છો. આજે અમે તમને જણાવી દઈએ કે તમારા વાળ માટે વાળની કઈ સારવાર યોગ્ય છે અને તેને કેવી રીતે કરવું.
ઓલિવ ઓઇલ અને મધને સરખા પ્રમાણમાં મિક્સ કરીને એની પેસ્ટ માથામાં લગાવીને મસાજ કરી શકો છો. શક્ય હોય ત્યાં સુધી રાતના સમયે આ રીતે માસ્ક લગાવી દેવો અને બીજે દિવસે સવારે ગરમ પાણીમાં જાડો ટોવેલ ડુબાડી એને નિચોવીને 15 મિનિટ માથા પર બાંધી લેવાથી સ્કેલ્પમાં એ તેલ એબ્સોર્બ થઈ જાય છે અને વાળને સ્ટીમ પણ મળી જાય છે. એ પછી માઇલ્ડ શેમ્પૂથી વાળ ધોઈ નાખવાથી હેર-સ્પા જેવી ઇફેક્ટ મળે છે.
ડ્રાય વાળ માટે એલોવેરા સ્પા
રીઠા, આમળા, શિકાકાઈ અને મેથીના દાણાને પાણીમાં આખી રાત પલાળી રાખો. આ પાણી સવારે અડધુ રહે ત્યાં સુધી ઉકાળો. હવે તેમાં એલોવેરા જેલ અને ઇંડાની સફેદી ઉમેરો. આ માસ્ક વાળની મૂળિયા પર લગાવો અને થોડા સમય પછી માથુ ધોઈ લો.
ડ્રાય વાળ માટે ઓલિવ ઓઇલ સ્પા
ડ્રાય વાળ માટે, પહેલા ઓલિવ તેલથી મસાજ કરો. ત્યારબાદ તેમાં ઇંડા નાખો અને સ્ટેપ પ્રમાણે વાળનો માસ્ક લગાવો. ત્યારબાદ સલ્ફેટ ફ્રી શેમ્પૂથી વાળ સારી રીતે ધોઈ લો.
મજબૂત વાળ માટે ફ્રૂટ સ્પા
પાકેલા કેળા, એવોકાડો પલ્પ, મધ, ફુદીનાના પાન, લીમડાનું પેસ્ટ અથવા ડુંગળીનો રસ મિક્સ કરીને સરળ પેસ્ટ બનાવો. આ પેસ્ટને સ્કેલ્પ પર સારી રીતે લગાવો અને 45 મિનિટ પછી માથુ ધોઈ લો. આનાથી વાળ ખરતા અટકે છે, પરંતુ વાળની ઝડપી વૃદ્ધિ થાય છે.
હેર સ્પાના ફાયદા
- વાળને વધારવા માટે હેર સ્પાનો ઉપયોગ કરવામાં આવે છે.
- ખોડાની સમસ્યાઓ પણ દૂર થાય છે.
- તૂટતા અને ખરતા વાળ માટે સારો ઉપાય
- હેર સ્પા દ્વારા વાળને પોષણ મળે છે.
- હેર સ્પાથી બરછટ વાળથી છૂટકારો મળે છે.